अमेरिकाको कार रेस प्रतियोगितामा भयानक दुर्घटना (हेरौं डरलाग्दो भिडियो)

समाज अनलाइन
;
६ फाल्गुन २०७६, मंगलवार १०:२३

एजेन्सी । अमेरिकाको प्रख्यात कार रेसिङ खेलमा आज विहानै भयानक दुर्घटना भएको छ । अमेरिकी समय अनुसार सोमबार अपरान्ह भएको डेटोना–५०० कार रेसिङमा प्रख्यात कार रेसर र्यान न्यूमान गम्भिर घाइते भएका छन् । दुर्घटना लगत्तै अमेरिकी राष्ट्रपति डोनाल्ड ट्रम्पले हाल कोमामा रहेका घाइतेको लागि प्रार्थना गरेको भन्दै ट्वीट गरेका छन् ।

प्रतियोगताको अन्तिम समयमा उनको कार सडक पेटिमा ठोक्किएपछि आकाश उड्न पुगेको थियो । प्रतिघण्टा १९५ किमीको गतिमा हुईकिएका कारहरुका आपसमा ठक्कर खाँदा घटना निकै भयावह र डरलाग्दो देखिएको अन्तर्राष्ट्रिय सञ्चार माध्यमहरुले जनाएका छन् ।


अमेरिकाका फ्लोरिडामा आयोजना गरिएको सो कार प्रतियोगिता घाइते भएका न्यूम्यानको हेलिफ्याक्सस्थित डेटोना बीचमा रहेको अस्पतालमा उपचार भइरहेको छ । यद्यपि आयोजक रस फेटवे रेसिङले उनको स्वास्थ्यमाथि खतरा नरहेको जनाएको छ ।

४२ बर्षिय कार रेसर न्यूम्यान सन् २००८ देखि यता पहिलो पटक दुर्घटनामा परेका हुन् । उनलाई पछाडिको कारले उछिन्ने क्रममा सडकको पेटीमा ठोक्किन पुगेको थियो । दुर्घटनापछि आगो लाग्दै कार आकाशतर्फ उडेको थियो । पुनः तल झर्दै गर्दा अर्को प्रतिपस्र्धी कारसँग ठोक्किएर आगो लागेको थियो ।

प्रतियोगिताको अन्तिम समयमा भएको सो भयावह दुर्घटनापछि हजारौं दर्शक स्तब्ध बन्न पुगेका थिए ।

 

यसमा तपाइको मत

Your email address will not be published. Required fields are marked *


*